Wednesday, May 21, 2008

ఆకాశ వీధిలో ' ఆకుపచ్చ కన్నీరు '

'ఆకుపచ్చ కన్నీరు ' అనేది చంటబ్బాయి సినిమాలో జంధ్యాల గారు వాడిన మాట.

మనిషి కి శారీరకంగా కానీ, మానసికంగా కానీ తట్టుకోలేని బాధ కలిగినప్పుడు కన్నీళ్ళొస్తాయి. బాధకలుగుతోంది శరీరానికో, మనసుకో డిసైడ్ చేసుకోనీకుండా మన ప్రాణానికి నరక యాతన కలుగుతున్నప్పుడు మన ఆత్మ పెట్టేది 'ఆకుపచ్చ కన్నీరు '
.
-----------------

గత నెలలో ఆఫీసు పని మీద హైదరాబాదు వెళ్ళాల్సి వచ్చింది. ట్రావెల్ డెస్కు వాడు సెలవు పెట్టటంతో నేనే రంగం లోకి దిగాను.

online booking చేసుకునేప్పుడు పెద్దల సహాయం తీసుకోమన్నారు పెద్దలు. "ఏ ఫ్లైటు చేయించుకోమంటారు అలౌకాంకిత గారు" అని పెద్దగా అడిగాను అలౌకాంకిత గారిని...

"Deccan Airways లో చేయించుకోండి..ఉండే ఫ్లైట్ల లో అన్నింటికన్నా చీప్ అదే" అంది ఆవిడ..సరేనని Deccan Airways వెబ్ సైటు తెరిచి హైదరాబాదుకు one way ఫ్లైట్ సెలెక్టు చేసుకున్నా..క్రెడిట్ కార్డు నంబరు అడిగింది...ఇచ్చా..వెంటనే "Payment received - Flight cancelled...దిక్కున్నచోట చెప్పుకో పో" అని మెసేజ్ వచ్చింది.ఏమి చెయ్యాలో తోచక అలౌకాంకితను పిలిచి జరిగినిది చెప్పా..

"మీకు కూడా ఇలాగే జరిగిందా..ఐతే నేను విన్నది నిజమేనన్న మాట" అని నవ్వటం మొదలు పెట్టింది.

నాకు కోపం, అసహ్యం, చిరాకు కలిసి ఏడుపొచ్చింది. "నీవు భవిష్యత్తు లో ఇలాంటి దుర్మార్గాలు చేస్తావనే మీ అమ్మా నాన్నా నీకా దిక్కుమాలిన పేరు పెట్టింది...అలౌకాంకిత అంట....ETV సీరియళ్ళ టైటిల్ గా పెట్టుకోవటానికి తప్ప ఇంకెందుకూ పనికిరాదే నీ ముష్టి పేరు.." అని ఎప్పటినుండో అణుచుకున్న కోపాన్ని వెళ్ళగక్కాను.

మళ్ళీ నేనే బుక్ చేసుకోవటానికి ప్రయత్నించి క్రెడిట్ కార్డెందుకు కాల్చుకోవటం అని...రమేష్ రెడ్డి కి ఫోన్ చేసి విషయం చెప్పా. ఫ్లైట్ల ఫేర్ లతో ఒక మెయిల్ చేసాడు.

" రేయ్..ఈ కింది ఫేర్లు చూసి నీకు ఏది కావాలో చెప్పు...చేయిస్తా -

Spice Jet - fare: Rs 200 - tax: Rs 1,99,800
Jet Airways - fare: Rs 150 - tax: Rs 1,99,800
Kingfisher - fare, tax తరువాత...ముందు కింద చూడు -





మరుక్షణమే రమేష్ కు ఫోన్ చేసి "Kingfisher లో చేయించు..ప్రయాణం సుఖప్రదంగా ఉంటుంది" అన్నాను.

దానికి రమేష్ "నెను మెయిల్ లో Kingfisher ఫేర్ రాయలేదు కానీ ఉండేవాటిలో అన్నింటికన్న ఎక్కువ అదేరా...అనవసరమైన డబ్బు ఖర్చు...ఆలోచించుకో" అన్నాడు..

నేను వెంటనే నా పక్కనున్న టేప్ రికార్డర్ లో భగవద్గీత క్యాసెట్టు ప్లే చేసి - " పిచ్చివాడా...తుచ్చమైన, అశాశ్వతమైన ధనం కోసం ఏ ఫ్లైటులో పడితే దానిలో ప్రయాణం చేస్తామా...నో....వేరే ఆలోచనలు లేకుండా Kingfisher లో చేయించు....డబ్బు మా అన్నయ్యనడిగి తీసుకో....సర్వేజనా సుఖినోభవంతు!" అని ఫోన్ పెట్టేసాను.

మరుసటి రోజు ఎడమ చేతిలో ఫ్లైట్ టికెట్టు, కుడి చేతిలో బాగు...గుండెలో ఆ air hostess ల ఫొటో తో ఫ్లైట్ ఎక్కాను...ఒక్కొక్కరుగా air hostess లు దర్శనమిచ్చారు. ఆర్.నారాయణ మూర్తి సినిమా షూటింగ్ ఎగరగొట్టి నేరుగా ఇక్కడకు వచ్చినట్టు...అందరూ ఎర్రని దుస్తుల్లో ఉన్నారు. విజయ్ మాల్యా Kingfisher బీర్లు 10,12 తాగి స్వర్గలోకానికి వెళ్ళినప్పుడు...పనిలో పనిగా అక్కడి అప్సరసలను campus recruitment లో భూలోకానికి తీసుకొచ్చి ఇక్కడ Air hostess లుగా నియమించినట్టున్నాడు.

ఫ్లైట్ లో చాలా సేట్లు ఖాళీగా ఉన్నాయి...నా సీటు దగ్గరకు వెళ్ళాను...నా పక్క సీట్లలో ఇద్దరు కూర్చుని ఉన్నారు...నా సీట్లో నేను సెటిల్ అయ్యాను...

ఏదో అనౌన్సుమెంటు వచ్చింది. ముగ్గురు అప్సరసలు వరుసగ నుంచొని...సీటు బెల్టులు ఎలా పెట్టుకోవాలి, ఫ్లైటు సముద్రం లో పడిపోతే బాధ తెలియకుండా ఎలా చావాలి...లాంటి విషయాలు చెప్పటానికి.. చిన్నప్పుడు స్కూల్లో డ్రిల్ పీరియడ్ లో చేసే ఎక్సర్సైసులు చేసి చూపించారు.

మరో అనౌన్సుమెంటు వచ్చింది.... ఒక సీనియర్ అప్సరస మైకందుకుని "ఫ్లైట్ take off కి సిద్ధంగా ఉంది...దయ చేసి ప్రయాణికులంతా తమ తమ సీట్లలో కూర్చోవలసిందిగా ప్రార్థన" అని చెప్పింది. అంతే...అంతవరకు సీట్లలో కూర్చున్న వారంత ఒక్కసారిగా లేచి బాత్రూముకు, వెనక సీటు వాళ్ళతో మాట్లాడటానికి వెళ్ళారు...."దయచేసి కూర్చోండి...ఇంకో పది నిముషాల్లో మనము గాల్లో ఉంటాము..అప్పుడు కావలంటే బాత్రూముకు వెళ్ళొచ్చు....ప్లీజ్...." అని వేడుకుంటోంది సీనియర్ అప్సరస...లాభం లేదు...ఎవడి పనులు వాడు తీరిగ్గా ముగించుకొని వచ్చి తమ సీట్లలో కూర్చున్నారు...

ఫ్లైట్ take off కు రెడీ గా ఉంది అంటే మళ్ళీ ఇలానే చేస్తారని ఈ సారి అనౌన్సుమెంటు చెసేప్పుడు కాస్త జాగ్రత్త పడింది Air hostess..."ప్రయాణికులారా..మనము ఇప్పుటప్పటిలో బయలుదేరెట్టు లేము. కాకపోతే మీరు మీ సీటు బెల్టు పెట్టుకోండి...కంగారు
పడకండి...మనము ఎక్కడకు వెళ్ళట్లేదు.....ఉత్తినే..." అంది.. అందరూ చక చకా సీటు బెల్టు పెట్టేసుకున్నారు...

ఇలాంటి చాన్సు మళ్ళీ దొరకదని ఆ air hostess పైలెట్ వైపు తిరిగి గట్టిగా "ఉస్కో" అని అరిచింది......రన్వే మీద కూడా పోనివ్వకుండా డైరెక్తుగా గాల్లోకి ఫ్లైటు లేపాడు పైలెట్.....

గాల్లో ఉన్నాము...

అప్సరసల్లో ఒక అత్యద్భుతప్సరస నా దగ్గరకు నడిచి వచ్చి..."Let me help you sir" అని నా బ్యాగు తీసుకుని పైన పెట్టింది..."Do you need anything else sir" అని అడిగింది...."Yes...నీ ఫొటో, జాతకం, గోత్రం, నక్షత్రం, రాసి ఇస్తే మా అమ్మకు చూపించి నిన్ను పెళ్ళిచేసుకుంటా" అని అనాలని మనసంతా ఉన్నా...ఇంత మందిలో అడిగితే సిగ్గుపడుతుందని..."నా బ్యాగు మళ్ళీ తీసి ఇవ్వరా" అని అడిగాను. కాబొయ్యే భర్త మాట ఎలా కాదంటుంది...బ్యాగు తీసిచ్చి వెళ్ళిపొయ్యింది.

"ఆహా! ఇంత కన్నా ఏమి కావాలి జీవితంలో...ఈ ప్రపంచంలో నా కన్నా అద్రుష్టవంతుడు ఉండడు. ఒక వేళ ఉన్నా...ఇదే ఫ్లైట్లో ఎక్కడో కూర్చుని ఉంటాడు...ఈ ఆనందం ఇలానే కలకాలం ఉంటే ఎంత బావుంటుంది".....అని మనసులో అనుకుంటుండగా ఆకాశవాణి గట్టిగా నవ్వింది...టైము కాని టైము లో ఈ నవ్వేంటని కిటికీ లోంచి బయటకు చూడబోతుండగా నా పక్క సీట్లో కూర్చున్నాయన నా భుజం తట్టాడు.....తిరిగి చూసాను.

" హలో...నా పేరు దినకర్...నేను జోకులు బాగ వేస్తుంటానని మా వీధిలో అందరూ అంటుంటారు" అన్నాడు.

"కంగ్రాట్స్" అన్నాను..

"కంగ్రాట్స్ ఎందుకు లేండి..దేవుడు ఒక్కొక్కళ్ళకు ఒక్కొక్క టాలెంట్ ఇస్తాడు...నాకు 23 ఇచ్చాడు..సమయం సందర్భం బట్టి ఒక్కొక్కటి వాడుతుంటాను" అన్నాడు..

మళ్ళీ తనే అందుకుని.."ఇందాకే ఒక జోక్ రాసాను..చెప్పమంటారా?" అని అడిగాడు...

"చెప్పండి" అన్నాను ఉత్సాహంగా...

" - 'ఐ లవ్ యూ ప్రియా ' అన్నాడు ప్రియుడు. 'ఐ టూ లవ్ లవ్ యూ ప్రియా ' అన్నది ప్రేయసి..'అదేంటి..Two లవ్ యూ అన్నావు..అంటే నువ్వు కాకుండా మరొకరు కూడా నన్ను ప్రేమిస్తున్నారా అన్నాడు ప్రియుడు....'హా....' ఖంగుతింది ప్రేయసి"

"ఎలా ఉంది సార్" అని అడిగాడు దినకర్...

నాకు ఏమనాలో తెలియట్లేదు....ఇలాంటి జోకు విన్నందుకు నాకు గోహత్య చేసినంత పాపం అంటుతుందేమోనని భయంగా ఉంది..మరి చెప్పినోడికి వాడికెలా ఉండాలి....ఏ మాత్రం సిగ్గులేకుండా ఆ జోకుకు ఫీడ్ బాక్ అడుగుతున్నాడు....

పెద్దగా పరిచయం కూడా లేని వ్యక్తి....తిడితే బాగోదని..."చాలా బాగుంది సార్...జోకు మా పక్కింట్లోనో, ఎదురింట్లోనో జరిగినట్టు సహజత్వానికి దగ్గరగా ఉంది...'ప్రేయసి ', 'ప్రియుడు ' కూడా పాత్రలకు అతుక్కుపోయారు...మీ narration నన్ను కడుపుబ్బ నవ్వించింది" అన్నాను దినకర్ భాషలోనే మాట్లాడుతూ....

"ఓకే...ఇప్పుడు ఇంకోటి చెబుతా వినండి" అని ఏదో చెప్పబోతుండగా నేను మధ్యలో ఆపి..."మీరు చెప్పిన మొదటి జోకు తెప్పించిన నవ్వునుంచే నేనింకా తేరుకోలేదు...అప్పుడే ఇంకోటా...ఈ జోకు ఆ పక్కనాయనికి చెప్పండి..ఆయన కూడా ఆనందిస్తాడు" అన్నాను....

ఆ పక్కాయన నా వైపు కోపంగా చూసాడు...

దినకర్ నా దగ్గరకు జరిగి "మీరు రాక ముందే ప్రయత్నించాను సార్....ఆయన కేరళ ఆయన....తెలుగు రాదు.....సరే కాని....మీరెక్కడికీ వెళ్ళకండి..బాత్రూముకు వెళ్ళి ఇప్పుడే వస్తా" అని లేచి వెళ్ళాడు....

దినకర్ అటు వెళ్ళగానే నేను ఆ పక్కాయనతో "నిజం చెప్పండి సార్....మీరు తెలుగోళ్ళే గా....ఈ పిచ్చొడు జోకులు చెబుతాడని అబధ్ధాలు ఆడుతున్నారు..అంతేనా..." అన్నాను.

"ఔను సార్...కానీ మీకో విషయం చెప్పనా..ఈ మనిషి నన్ను బోర్డింగు పాసు తీసుకునే దగ్గర ఇలాంటి జోకులతో హింసించాడు...నేను ఫ్లైటు ఎక్కంగానే సన్ గ్లాసెస్ పెట్టుకున్నా...నా పక్క సీటులో వచ్చి కూర్చున్నాడు కానీ నన్ను గుర్తుపట్టలా..."హలో సార్..నా పేరు దినకర్...నేను జోకులు బాగా వేస్తుంటానని మా వీధిలో అంతా అంటుంటారు" అని మళ్ళీ మొదలు పెట్టాడు....సరే ఒక రాయి వెద్దామని 'నాకు తెలుగు రాదు..మాది కేరళ ' అన్నాను...అంతే..మిమ్మల్ని తగులుకున్నాడు" ...అని బ్రహ్మ రహస్యం చెప్పాడు...

"ఔనా...ఐతే మీ కళ్ళద్దాలు కాస్సేపు ఇవ్వండీ సార్..నేనూ తప్పించుకుంటాను" అని ఆ ఆపద్భాందవుడి శరణు కోరాను..

ఆయన తన కళ్ళజోడు నాకిస్తూ.."అయినా ఈ దినకర్ ను అని లాభం లేదు సార్..అదేదో TV చానెల్ లో 'నవ్వరా నవ్వు ' అనే కార్యక్రమం వస్తుంది...అందులో జనాలు చెప్పే జోకుల ముందు వీడి జోకులు బలాదూర్...ఆ పనికిమాలిన కార్యక్రమం లో ఈ పనికిమాలినోడు ఫైనలిష్ట్...రెపే ఫైనల్స్...తను ఫైనల్ లో చెప్పబొయ్యే జోకులను జనాలు ఎలా రిసీవ్ చేసుకుంటారో తెలుసుకోవటానికి ఇలా అందరికి చెబుతూ తిరుగుతున్నాడంట"....

దినకర్ వస్తుండటం గమనించి నేను వెంటనే పక్కాయన ఇచ్చిన కళ్ళద్దాలు పెట్టుకుని..నా సిగ్నల్ లేని మొబైల్ లో హిందీ లో మాట్లాడటం మొదలుపెట్టాను. దినకర్ తన సీట్లో కూర్చుంటూ.."అదేంటి సార్..ఈయన కళ్ళజోడు పెట్టుకున్నారు మీరు?" అని అడిగాడు..

క్లైమాక్సు ఫైటింగులో రివాల్వరులో బులెట్లు అయిపొయ్యిన విలన్ లాగ లొంగిపొయ్యాను నేను...పక్కాయనకు కళ్ళద్దాలు తిరిగిచ్చేసాను. ఆయన నావైపు జాలిగా చూసి 'దేనికైన సుడి ఉండాలి సార్ ' అన్న వాక్యాన్ని సింబాలిక్ గా తన బొటన వేలుతో నుదుటి మీద గీసుకుని చూపించాడు... ..లేకపొతే..కళ్ళద్దాలు తీసేసిన ఆయన్ను గుర్తుపట్టకుండా...కమల హాసన్ లాగ నటిస్తున్న నన్ను గుర్తుపట్టాడు ఈ దినకర్..

"ఈ Air hostess లకు అస్సలు sense of humour లేదు సార్..కాస్సేపు ఇక్కడి వాళ్ళకు జోకులు చెప్పి ప్రజల నాడి తెలుసుకుందామనుకుంటుంటే...ఒప్పుకోవట్లేదు..."

అర క్షణం సైలెంటుగా ఉన్నాడు...నాకు కొత్త జీవితం వచ్చినట్టయ్యింది...

మరు అరక్షణమే మళ్ళీ "నాకొక ఐడియా వచ్చింది సార్...మధ్యలో భోజనానికి ఏ ధాబా దగ్గరో ఆపుతాడుగా విమానం...అప్పుడూ మీరు ఇగ్నిషన్ తాళం చెవి దాచెయ్యండి...నేను ఆ టైములో ప్రజల నాడి తెలుసుకుంటా...ఏమంటారు?" అనడిగాడు..

"సారీ సార్...మీకంటే జోకులు చెప్పి చెప్పి క్రిమినల్ గా మంచి అనుభవం ఉంది...నాకిలాంటివి చేతకావు...నన్నొదిలెయ్యండి" అన్నాను....

సరే ఆ పక్కయాన సాయం అడుగుదామని దినకర్ అటువైపు తిరిగాడు..ఏమీ అడగక ముందే ఆయన "sorry..i can't help you.I don't know Telugu" అన్నాడు...."పరవాలేదు సార్" అని దినకర్ తన సీటు లోంచి పైకి లేచాదు....

నేను ఉండబట్టలేక "దినకర్ గారు..మీరు ఒక నాణ్యమైన వెధవ అన్న విషయం మీకు తెలుసా?" అనడిగాను....నా మాటలేవి వినకుండా తన బ్యాగు కిందకు దించి అందులోంచి ఒక పుస్తకం తీసి ఏదో చూసాడు...నా వైపు తిరిగి "ఇంకేంటి సార్ విశేషాలు?" అనడిగాడు....

పొరబాటున "మీరే చెప్పాలి" అన్నాను..

"ఇందాక ఆ చివరి సీటాయనకు ఒక పొడుపు జోకు పొడిచాను...నవ్వాడో లేదొ కనుక్కునొస్తా...ఈ లోపు మీరు నవ్వుకోవటానికి ఒక జోకు -

'కాస్త పంచదార ఉంటే ఇస్తారా '..అడిగింది పక్కింటి పంకజాక్షి...'మా ఇంట్లో "కాస్త" పంచదార లేదండి..ఒక డబ్బాడు ఉంది...కాబట్టి ఇవ్వను ' అంది కామాక్షి ముసి ముసి గా నవ్వుతూ. ఆశ్చర్యపోవటం పంకజాక్షి వంతయ్యింది'.....ఇదెలా ఉంది సార్"

కంట్లో నీళ్ళు రాకుండా ఏడవటం ఎలాగో ఆ క్షణం తెలుసుకున్నాను నేను...

"సరే నేను ఆ వెనక సీటాయన దగ్గరకు వెళ్ళొస్తా" అని వెళ్ళిపొయ్యాడు....

ఇందాక దినకర్ జోకు మొదలు పెట్టగానే లేచి వెళ్ళిన మా పక్క సీటాయన జోకు అయిపోంగానే తిరిగొచ్చాడు.....వచ్చీ రావటంతోనే "చీ..తూ" అని తిట్లు ఉమ్మటం మొదలు పెట్టాడు..దానికి నేను "జోకు వినని మీకే అంత అస్సహ్యమేస్తే, నా బాధలు ఎవరితో చెప్పుకోవాలి చెప్పండి" అన్నాను....

దానికి ఆయన..."అది కాదు సార్...ఆ ఐదు పైసల 'నవ్వరా నవ్వు ' కార్యక్రమంలో ఈ కాండిడేట్ ఫైనల్స్ కు చేరుకున్నాడు...ఈ లెక్కన ఆ మొదటి రౌండ్లలో ఓడిపొయ్యిన వాళ్ళని..వీళ్ళందిరికి మార్కులేస్తున్న ఆ జడ్జిలను ఏమనాలి?" అని కూరుకుపోతున్న గొంతుతో బాధ వెళ్ళగక్కాడు...

ఇంతలో దినకర్ మా దగ్గరకు వచ్చి "ఆ వెనక సీటాయన కనిపించట్లేదు సార్....ముందు పక్క సీట్లలొ కూర్చున్నాడేమో చూసొస్తా" అని ముందుకు వెళ్ళాడు. దినకర్ అలా ముందుకు వెళ్ళగానే వెనకనుంచి ఒకాయన మాదగ్గరకు పరిగెట్టుకుంటూ వచ్చి..నా పక్క సీటతనికి కళ్ళద్దాలు తిరిగిస్తూ "చాలా థాంక్స్ సార్" అని వెళ్ళిపొయ్యాడు....

నా కోపం విమానం సీలింగ్ దాకా చేరుకుంది......కళ్ళద్దాలు పెట్టుకుంటే ఎవ్వరిని గుర్తుపట్టడు...ఒక్క నన్ను తప్ప....సైకో సాలే గాడు.

తిట్టుకుంటుండగానే వచ్చి కూర్చున్నాడు...."ఆయన ఎక్కడికెళ్ళాడో తెలియట్లేదు సార్....సరే...ఇంకేంటి విశేషాలు?" అన్నాడు...

"ఏమీ లేవు...మీరు కూడా ఏమి చెప్పకండి" అన్నాను...

"మీకు మూడ్ బాగున్నట్టు లేదు..మాంచి జోకు చెబుతాను వినండి.....రెండు చీమలు స్కూటర్ మీద వెళ్తుంటాయి..." అని ఇంకా ఏదో చెప్పబోతుండగా....

"నాకు చీమల జోకులు నచ్చవు...ఆపండి" ..

"పర్లేదు...ఇంకోటి చెబుతాను....రెండూ ఏనుగులు స్కూటర్ మీద వెళ్తుంటాయి..."

నా ఓపిక కు తులసి నీళ్ళు తాగించెసి...."బుధ్ధుందా లేదా నీకు...నువ్వు వెంటనే నోరు ముయ్యక పోతే నీ మీద మానభంగం కేసు పెట్టి జైల్లోకి తోయిస్తాను..విమానం ఇంకాస్సేపట్లో కిందకు దిగబోతొంది...నోరిప్పావంటే రేపు నీ ప్రోగ్రాము కు వచ్చి నువ్వు స్టేజ్ ఎక్కంగానే కోడి గుడ్లతో కొడతా..."

దినకర్ కు విషయం అర్థమయినట్టుంది...

విమానం శంశాబాద్ airport లో దిగేంతవరకు నోరు విప్పలేదు...నా పక్కాయన నా ధైర్యానికి మెచ్చుకుని నేను వెళ్ళెటప్పుడు తన సన్ గ్లాసెస్ బహుమతిగా ఇచ్చి వెళ్ళాడు....

నేను వెళ్ళి మెహదీపట్నం బస్సెక్కాను. ఐదు నిముషాల తరువాత దినకర్ వచ్చి నా పక్క సీటులో కూర్చున్నాడు....చాలా సేపు ఏమీ మాట్లాడలేదు. నాకెందుకో బాధేసింది....దినకర్ వైపు చూసి "సారీ సార్...ఇందాక కోపం లో ఏదో అనేసాను...ఏమీ అనుకోకండి" అన్నాను...

"పర్లేదు సార్" అన్నాడు దినకర్..

బస్సు వాడు 'ఒక్క మగాడు ' సినిమా పాటలు పెట్టాడు..

దినకర్ ఆ పాటకు చిటికెలు వేస్తూ "ఒక్క మగాడు చూసారా సార్....సూపర్ సినిమా" అన్నాడు..

"మీ వీధిలో వాళ్ళు కరెక్టే సార్...మీరు నిజంగా జోకులు బాగా వేస్తారు...ఈ జోకు మాత్రం అదిరింది"

నేను మామూలుగా మాట్లాడటం చూసిన దినకర్ "మీరు మంచి మూడ్లోకి వచ్చినట్టున్నారు.....ఈ సందర్భంగా ఒక జోక్....ఇద్దరు 'ఒక్క మగాడు ' లు స్కూటర్ మీద వెళ్తుంటారు ..........................."

అప్పుడర్థమయ్యింది నాకు..ఆకాశవాణి ఎందుకు నవ్విందో...

78 comments:

విహారి said...

వంద సెభాష్ లు.

-- విహారి

vikatakavi said...

కేక...కేక...

రానారె said...

సినిమా చూస్తున్నప్పుడు బ్రహ్మానందం తొలిసారి కనిపించగానే మరోకారణం లేకుండా నవ్వొచ్చినట్లు, మీ టపాల్లో దినకర్ అనే పేరును చూడగానే అసంకల్పితంగా నవ్వొచ్చేస్తుంది గౌతమ్ గారూ. త్వరలో మీకో క్వీన్ ఫిషర్ ప్రాప్తించాలని కోరుకుంటున్నాను. :-)

Srinivas Sirigina said...

అదరగొట్టేశారు. ఆఖర్న "ఇద్దరు 'ఒక్క మగాడు ' లు" అని చూడగానే ఆపుకోలేక పడీ పడీ నవ్వుతుంటే, మా ఆఫీసులో తెల్లోళ్ళందరూ నన్ను పిచ్చోళ్ళా చూసారు. హీరో నాగార్జున కి పంపించండి, ఆయన నెక్స్ట్ సినిమాలో గేరంటీగా బ్రహ్మానందంతో ఈ సీను పెట్టుకుంటాడు.
ఇంతకూ, కళ్ళజోడు పెట్టుకున్నా, ఆ దినకర్ మిమ్మల్ని ఎలా గుర్తు పట్టగలిగాడంటారూ?

కొత్త పాళీ said...

భలే

mmk said...

Chala baga vundandi...navvu aapukoleka poyanu...kallalo neellu thirgayantey nammandi..dinakar character mathram adirindi...kadupubba navvinchinanduku chala thanks..

-Mmk

మేధ said...

దినకర్ ఇంకా రాలేదేంటా అని చూస్తుండగానే, వచ్చేశాడు తోసేసుకుంటూ.!!! చాలా బావుంది..

రవి said...

ఇంతకీ దినకర్ 'నవ్వరా నవ్వు ' ఫైనల్స్ చేరాడా? మీరు వెళ్ళిన పని ఏమైంది? తిరిగి వెచ్చేప్పుడు ఏ ఫ్లయిట్లో వచ్చారు, తదితర వివరాల కోసం మరో టపా ...ప్లీస్...

దైవానిక said...

సూపర్, మీరు నెలకు రెండు మూడన్న టపాలు వ్రాయాలని కోరుకుంటున్నాను

RSG said...

బాసూ.. నీ బ్లాగు నా హైక్ కి ఎసరెట్టింది. మా బాసు కనిపించగానే భళ్ళుమని నవ్వేస్తున్నాను. ఆయన నీపని అప్రైజల్ టైంలో చెప్తానన్నట్టు ఒక్క లుక్కిచ్చి వెళ్ళిపోతున్నాడు.

నా కర్మపండి ఆయన పేరేమిటో తెలుసా... "దినకర్"

సుజాత said...

పొద్దున్నే భలే నవ్వించారండీ! ఇంతకీ ఎయిర్ డెక్కన్ లో డబ్బులు మీకు చేరలేదనుకుంటాను. అదీ గాక, ఎయిర్ డెక్కన్లో ఎగిరే ఫ్లైట్ల కంటే కాన్సిలయ్యేవే ఎక్కువ అని చాటారు..థాంక్సు! దినకర్ పాత్రలో బ్రహ్మానందమే కనిపించాడండీ!

lalithasravanthi said...

"నవ్వరా నవ్వు" యే ఛానెల్ లో వస్తుందండీ ?

మీ టపా కోసమే చూస్తున్నాం, బాగుంది

Siva said...

చాలాకాలం నుంచి ఎదురుచూస్తున్నా మీ టపా కోసం. ప్రత్యేకంగా చెప్పటానికేమీ లేదు, మీ ముందరి టపాల్లానే ఉంది! అంతకంటే పెద్ద compliment ఇవ్వలేను :-)

Ravi said...

నాకు కోపం, అసహ్యం, చిరాకు కలిసి ఏడుపొచ్చింది. "నీవు భవిష్యత్తు లో ఇలాంటి దుర్మార్గాలు చేస్తావనే మీ అమ్మా నాన్నా నీకా దిక్కుమాలిన పేరు పెట్టింది...అలౌకాంకిత అంట....ETV సీరియళ్ళ టైటిల్ గా పెట్టుకోవటానికి తప్ప ఇంకెందుకూ పనికిరాదే నీ ముష్టి పేరు.." అని ఎప్పటినుండో అణుచుకున్న కోపాన్ని వెళ్ళగక్కాను.


Top.....Excellent.....

శ్రవణ్ said...

మంచి పోస్టు రాసి, మాంచి మూడ్లో ఉన్నట్లున్నారు. ఒక జోకు చెప్పనా!
ఇద్దరు బ్లాగర్లు స్కూటర్ మీద వెళ్తున్నారు...
...
...

ప్రదీప్ said...

కేక.. చాలా బాగా రాసారు. అప్పుడప్పుడూ కాకుండా కొంచెం frequentగా రాయండి ప్లీజ్..

మేధ said...

@లలితా స్రవంతి గారు: అది ETV లో వచ్చే Smile Raja Smile prog!

subhadra said...

edi nijam ga jariginda.aa amaie peru super.ticket booking tharuvatha neeku vachina mail chala bagundi.nannu tittukokadi.
part- 2 kosam yaduru chusthu..........

కొత్త పాళీ said...

@ Sravan - good one! ;)

పక్కింటబ్బాయి(మా పక్కింటోళ్లకి) said...

అబ్బ అద్భుతం అండీ మీ టపా నిజంగా దినకర్ కల్పిత పాత్రా,బయట మీ ఫ్రెండా అతను రాగానే నవ్వులు మొదలయ్ పోతున్నాయండీ బాబూ..!చీల్చి చెండాడేసారు ఈటీవీ ప్రోగ్రాముల్ని.ఇంత అద్భుతంగా రాసే మీరు ఎప్పుడోగానీ రాయకపోవడమేంటండీ.
భవదీయుడు,
సంతోష్ సూరంపూడి,
గౌతం ఫాన్స్ అసోసియేషన్,
తాడేపల్లి గూడెం.

రాధిక said...

"కాబొయ్యే భర్త మాట ఎలా కాదంటుంది","అలౌకాంకిత అంట,ETV సీరియళ్ళ టైటిల్ గా పెట్టుకోవటానికి తప్ప" ....కేక...

Venky said...

భగవద్గీత స్టైల్ లో చెప్పిన డయలాగ్ సూపర్బ్ !!!! besides many others[:)], చాలా బాగా రాసారు, త్రివిక్రం సినిమాల్లో కంటిన్యూస్ కామెడీ డయలాగులకి నవ్వుకున్నట్టు ఆగకుండా నవ్వు కున్నాను [:)]. ఆరు నెలల తర్వాత తెలుగు బ్లాగు చదివే అవకాశం దొరికింది, 'అమెరికాలో అష్టకష్టాలు ' బ్లాగు లో వివరించిన కష్టాలతో పాటు మరికొన్నింటి పుణ్యమా అని [:)]!!! మొదట్లో కష్టం గా వుంటుంది, తర్వాత?? అదే అలవాటయిపోతుంది అని అదేదో సినిమాలో చెప్పినట్టు, ఇప్పుడు కొంచెం అలవాటయిపోయింది లెండి అంతా !!! :). తేనెగూడు కి వస్తూ వస్తూనే మీ బ్లాగు కోసం వెతికాయి నా కళ్లు. మంచి టపాతో నా ఈ ఇన్నింగ్స్ ప్రారంభించేట్టు చేసారు, మెనీ థాంక్స్ !!!

రమేష్ రెడ్డి said...

చాలా బాగ వ్రాసావురా సిద్దు,నాకు దినకర్ గాడు అస్సలు mind లోకి రాలేదు ఎందుకో తెలియదు చదువుతున్నంత సేపు ఆ పాత్ర మొత్తం బ్రహ్మానందం చేస్తున్నట్లే వున్నింది....

Kathi Mahesh Kumar said...

అదిరింది బాసూ! మళ్ళీ జంధ్యాల గుర్తొచ్చారు.

ప్రవీణ్ గార్లపాటి said...

మీకూ తగిలాయి ఈ కింగ్ ఫిషర్ దెబ్బలు...
బాగుంది. బాగా రాశారు మళ్ళీ.

రానారె: క్వీన్ ఫిషర్ లో ఫ్లైట్ అటెండర్లందరూ మగాళ్ళే ఉంటారేమో ?? :)

Vamsi Krishna said...

తెలుగు లో ఇంత చక్కని హాస్యం చదివి చాలా రో్జులు అయ్యింది. Thanks

Ravi Krishna Reddy said...

Chala bagundi.....


(lunch okati pending vundi...)

Anonymous said...

i read all your blogs ...its really gud but i think in between it was a bit weak .the starting and the finishing were awesome as usual....gud wrk ..

Manaswini said...

Junior Trivikram Srinivas gaaru...
Akupaccha kaneeru ...100 days

meenakshi.a said...

ప్రయానికులార మనం ఎటూ వెల్లట్లేదు..ఉత్తినే ....సూపర్ అండి.
చాలా చాలా చాలా నచ్చిందండి.చాలా బాగా రాసారు.

Budaraju Aswin said...

okkamagadu anagaanE
guruvu gaaru meeru nammaru kaani
navvalEka chachaanu


intakI aa cinimaanu madhyalO enduku teesukuni vachaaru

Excellent ante kooda chaalaa takkuva

HemanthPradeep said...

Kummesaru
Dinakar garu evaru kani papam
pata kalam lo subbarao laga bali ayipotunaru me chetilo ..

Chandras said...

Hello boss...

Nenu dinakar collegue ni...ikkada maatram okka joke kuda veyadandi baabu.....but thanu ee stories chadivi happy ga feel avuthaadu...keka maastaru meeru....

Vasavi said...

Chala baaga raasaru...Prati paragraph ki navvu vastundi....good sense of humour...Keep it up...

రాకేశ్వర రావు said...

ನಾಕು ಮಧ್ಯలో ఎయిరో హోస్టస్ గురించి మీరు వర్ణించిన కలలు చాలా చాలా నవ్వు తెప్పించాయి.

మీరు ఇన్నాళ్ళూ digcom (dialogue based comedy)నే వ్రాస్తూ వచ్చారు. భాషా సినిమా స్టోరీ ఇంద్రా కొచ్చేసరికి ఎలా బోరు కొట్టిందో, మొదట్లో చాలా బాగా అనిపించినా ఈపాటికి కొద్దిగా రొటీనుగా అనిపించడం మొదలు పెట్టింది digcom.

కానీ ఈ టపాలో కాస్త sitcom (situation based comedy) వ్రాయడం చూసి నాకు చాలా సంతోషం వేసింది- ఎయిర్ హోస్టస్ భాగం - కానీ అది ఎక్కువ సేపు నిలువలేదు. మళ్ళీ దినకర్ అంటూ digcom లోనికి వచ్చేశారు, ఇక non-జధ్యాల తెలుగు సినిమాలో bracom (బ్రహ్మానందం comedy)లా కాస్త రొటీనుగా మరియు ప్రెడిక్టబులుగా అని పించింది.

కాబట్టి మీరు వచ్చే రోజులలో నాలాంటి వారి కోసం sitcom మరింత వ్రాస్తారని ఆశిస్తున్నాను.

ರಾಕೇಶ್ವರ

Sri said...

ahaa.. navvi navvi buggalu noppipuduthunnai andi..
meeru kanesam nelaki oka story anna rayandi. plz..

Rajesh said...

mee sense of humour ki joharlu...:))

suma bala said...

hiiii super ga undi...chala baga rasaru...enni sarlu chadivina 1st time chadivinatu navukunnanu.....simply liked it :)
ilantivi inka rasi ma andarini navvistu undandi.... :)

psbabu007 said...

adaragottesavu goutham.. bhava..

John Jimmy Dondapati said...

Gautam gaaru, nenu saadharanam gaa cinema taarala navvu try cheystu vuntaanu yendukante naa original laugh koncham gurram sakilinchinatlu vuntundi... so safe side vundaamani sagam cinetaarala navvu navvutaanu... kaani mee post chaduvutunnappudu maatram prapanchaanni pattinchukokunda gaadida vondrinchinattu, kukka yedichinattu, oka range lo kadupubba navvi navvi naa pakkana vunna maa friends andarini bhayapettanu sir... vaallu mee blog nenu malli yeppudu chaduvutaano mail cheysimaree adugutunnaru... pillalni teesukostaarata jantuvula sounds vinipinchataaniki...


Maa roommates tarapuna oka request - meeru plzz roju maatram raayakandi ilaanti posts... leka pothe maa landlord rent pencheystaademo - gaadidalu gurralu penchutunnam ani.... ade mana darahaasa mahima.

nenu malli oka jandhayala gaari cinema choosinattu feel ayyanu sir. Chaala chaala baagundi. Keep posting.

rksistu said...

Hi....
Mee blog chalabagundandi.Meeku Telusa
www.hyperwebenable.com site bloggers ki free ga websites isthunnaru.
ippudu mee blog www.yourname.blogspot.com undi kada danini www.yourname.com ga marchuko vachhu free ga.
www.hyperwebenable.com ee site ki vellandi anni details unaai.

Anonymous said...

Wonderful...nennu chadutunte.. andaru ..nannu pichivadila chustunnaru .. taruvatha ardam inde...i was laughing like any thing...e seen nagarjuna and brahmi madya picturise cheste .. Keko keka....

KALAPUTRA said...

ee rojee, night shift ki vachi nidra vasthunna, padukovatani ki NAP room lo kali lekha , just okka look edhamani vesanu....NIGHT shift lo DHEYYAM laga padi padi navvanu....very nice

Anonymous said...

dinakar gaadu evado gaani meeku baagaa anyayam chesi nattu unnadu andi,ee rakamgaa kaksha saadhistunnaru meeru. mee. bye the bye mee rachanalu superb,cinemaallo trivikram,blogllo meeru naa favorates.mee nundi marenno expect chestunnanu thotaramudu gaaru

Gopal said...

vaammo.. kummesaru! thotaramudu fans ki +1

babi said...

మాషా్టరు (ఐ మీన్ ఇట్) ... మీ ఇది వింటుంటే ( చదువుతపంటే ) నాకు 3విక్రమ్ గురొ్తచా్చడండీ బాబు.. కేక రాసారు.. థా్యంక్స్ ఫర్ ద సి్రప్ట్..

neelima lella said...

ammo chithakkotesaru..podhune office ki ragane mi blog check cheyadam alavatu ayipoyindhi(kothavi emana post chesaremo ani)..last line chadivaka navvi navvi voopiri aadaledhu...paapam office lo vallu 911 ki call chesaru..
simply superb :-)
waiting for ur next post

Tavva Rajesh said...

oke okka mata...kekooooooo keka

వేణూ శ్రీకాంత్ said...

మాష్టారు, కుమ్మేసారు... ఇరగదీసారు... అదరగొట్టారు...ఇలాంటి విశేషణాలన్నీ కలిపినా సరిపోడం లేదు మీ టపా ల గురించి పొగడడానికి. Enjoyed them a lot :-) మీ బ్లాగ్ మొదట్లో ఓ వార్నింగ్ లాంటిదేమైనా పెడితే మంచిదేమో ఆలోచించకూడదూ.."కాఫీ లాంటివి తాగుతూ బ్లాగులు చదివే అలవాటు ఉన్న వారు కొంచెం దాన్ని పక్కన పెట్టి చదవగలరు, తర్వాత కాఫీ కీబోర్డ్ మీద పడి కీబోర్డ్ పాడయిందంటే నా బాధ్యత లేదు" అని.

Harika said...

Emi rasaru andi babu...
navvu aapukoleka chachhhipoyanu...
office lo vallu antha nanne chustharani breaks ichhi maree chadhivanu..ayina kudharaledhu...

hari said...

good one...wanted more frequently...

Anonymous said...

నరేంద్ర భాస్కర్ S.P.
నమస్తే,
బాబొయ్- పొట్టచెక్కలు అంటె ఇవేనా,
ఈ మధ్యనే బ్లాగు లోకానికి వచ్చిన నాకు, మీర్రాసినవన్నీ మళ్ళీ, మళ్ళీ చదవాలనిపిస్తున్నయి, చదువుకుంటున్నాను కూడా, కానీ భయ్యా కనీసం నెలకోక సారైనా బ్లాగండి.

నెనర్లు & ధన్యవాదాలు

మంచిబాలుడు -మేడిన్ ఇన్ వైజాగ్. said...

సూపరో...సూపరు.... మీ నవ్వుల ప్రయాణం...... మంచి హాస్య టపా.....

మంచిబాలుడు -మేడిన్ ఇన్ వైజాగ్. said...

బ్రహ్మానంద భరితంగా ఉందండి ... మీ నవ్వుల టపా... ఇంతకీ ..... దినకర్ కల్పిత పాత్రా.... లేక

swapna said...

too gud.... kani edi nijemena... leka ... funny aa

arvindrishi said...

aakasam lo aakupacha kanneeru title keka..!

kallajodunte evvarnee gurtu pattadu nannau tappa ....aduru keka

iddaru okka magaallu ...poli keka

gukka tippukonivvakundaa navvinchanduku chaala chaala kekalu...

చైతన్య | chaitü said...

చాలా బాగుందండి...
కానీ ఇప్పుడు office లో ఉన్నాను కాబట్టి మనస్పూర్తి గా నవ్వుకోలేకపోయాను...

ఇదే మొదటి సారి నేను మీ బ్లాగు లోకి రావటం... ఇక వస్తూనే ఉంటాను...

అశ్విన్ బూదరాజు said...

నేను మీ టపాలు చదివినవీ చదవనవీ మళ్ళీ మళ్ళీ చదువుతే ఉంటాను అసలు ఎలా వస్తాయి గౌతం గారు మీ కీ అయిడియాలు,
దేనికైనా అదృష్టం ఉండాలి కళ్ళ జోడు పెట్టకోని నన్ను గుర్తుపెట్టకుండా పెట్టుకున్న మిమ్మలని గుర్తుపట్టడం ఏమిటీ ????

అసలేమిటీ పదాలు ఏమిటీ ప్రయోగాలు ... కేకండీ

హర్షోల్లాసం said...

చాలా బాగుంది, నేను మా ఊరు వెళ్ళినప్పుడు మా వారు నాకు మీ టపా గురించి చెప్పారు,తరవాత నాకి mail కుడా చేసారు.:)

హర్షోల్లాసం said...
This comment has been removed by the author.
Manaswini said...

Gowtham gaaru...naaku telisi inthavaraku a blog lonu...a post ki 60 comments raledhu....
aa ganatha meeke....
Congrats andi

హర్షోల్లాసం said...

@మనస్విని గారు అవునండి మీరు చెప్పేవరకు నేను చుడలేదండీ:)

sriram velamuri said...

chaala baagundi bhayya,keep it up

శ్రీ said...

అబ్బ..ఇరగదీసారండీ!

Jyotsna said...

excellent sir!!
inthaki miru vellina pani emindi?Malli dinakar garu HYD lo ekkadina kanipiste adiginattu cheppandi..
"Dinakar"charecter was really superb...

tetageeti said...

అద్భుతం!

అందుకోండి అభినందనలు.

-మురళి

SK said...

keeko keka maastaru.
blog ni konchem frequent ga update cheyyandi...

adarsh said...

మీకు నిజంగా దినకర్ అనే స్నేహితుడు ఉన్నరా??? ఉంటే మిమ్మల్ని ఈ పాటికి చావదొబ్బేసి ఉండిఉంటారు :P

raghavendra said...

మీ పోస్ట్స్ చాలా బాగున్నాయి ఇంతకీ ఈ దినకర్ ఎవ్వరు సర్ ?????
ప్రతి పోస్ట్ లో అతడినే టార్గెట్ చేస్తున్నారు????

Bharani Surineni said...

Awesome... ROTFL...........

B

Sarma K N said...

chala baa vundi maastaroo... mee sense of humour ki topilu poyayi..

vasu said...

mastaru arupulu andi

Fazlur Rahman Naik said...

గురువు గారు,
నాడో యదవ డౌటు, వెదవల్లో కూడా నాణ్యమైన వెధవలు ఉంటారా ??? ఉండే ఉంటారులెండి ... ఉదాహరణ ఇందాకే చూసాం కదా ... :)

Anonymous said...

kumesaru andi...aadirindhi post...

shiva said...

bhagundhi ra..but i have already read tis in some jokes book...have u taken the extract and improved it.?

shiva said...

bhagundi ra.but i have already read the same narration in jokes book.have u taken the extract and presented in ur way?

G K said...

does any one what this guy is doing now?

G K said...

does anyone know where this guy is now?