Wednesday, May 13, 2009

మకుటం లేని మహారాజు

ఆగండాగండి..ఈ టైటిల్ చూసి ఈ టపా కృష్ణ నటించిన ' మకుటం లేని మహారాజు ' సినిమా సమీక్ష అనుకుని.. మీ కంప్యూటర్ షట్ డౌన్ చేసి, crash చేసి..కింద పడేసి పచ్చడి పచ్చడి చేద్దామనుకుంటున్నారా?? భయపడకండి..ఈ టపా కు, ఆ సినిమాకు ఎటువంటి సంబంధమూ లేదు..నిజానికి ' మకుటం లేని మహారాజు ' అనేది ఒక తమిళ పదం..తెలుగులో దాని అర్థం ' మా ఊళ్ళో ఎలెక్షన్లు ' అని... ఒక వేళ ఇది చదువుతున్న వారిలో ఎవరికైనా తమిళం వస్తే - మనం మనం తరువాత మాట్లాడుకుందాం.

మా పక్క ఊరిలో మా ఆఫీసమ్మాయి ఉంది..ఇప్పుడా అమ్మాయి గురించి ఏమీ చెప్పను. మా ఆఫీసు లో మా పక్కూరమ్మాయి ఉంది..ఆ అమ్మాయి గురించి మాట్లాడుకుందాం ఒక ఐదు నిముషాలు..

మా పక్కూరమ్మాయి నాకు మూడు నెలల క్రితం పరిచయమయ్యింది. మా కింద ఊరి వాడింట్లో జరిగిన పార్టీలో మా వెనక ఊరివాడు, మా ఎదుటి ఊరి వాడు కలిసి పరిచయం చేసారు ఆ అమ్మాయిని. మా పక్కూరమ్మాయి పేరు నాకు గుర్తులేదు..పరిచయం అయిన రోజు తన పేరు చెప్పింది - కిరణ్మయి అనో, స్వాతి అనో, రావు గోపాల రావు అనో. ఇలా అమ్మాయి పేరు మరచిపోయినందుకు నేనొక vsecrtipjokim అని అనుకోకండి (ఆ పదం అర్థం తెలుసుకోవటానికి డిక్షనరి, GRE వర్డ్ లిస్ట్ వెతక్కండి - అక్కడ దొరకదు..మా ఊరొస్తే చెబుతా)..

సరే...కొన్నాళ్ళ క్రితం మా పక్కూరమ్మాయి నాకు ఫోన్ చేసింది..

"గౌతం - నాకొక సహాయం కావాలి"

"అమ్మాయ్ - స్మాల్ సహాయమా, మీడియం సహాయమా, లార్జ్ సహాయమా?"

"ఎక్స్ట్రా లార్జ్ సహాయం..'మీదొక ఏబ్రాసి ఊరు ' అని ఉన్న గ్రీటింగ్ కార్డు కొని పంపాలి మీ ఫ్రెండు రాం కిరణ్ కు..నిన్న
ఆన్లైన్ తగిలాడు..అమెరికా లో ఉన్నాడు కదా అని 'మీ ఊళ్ళో టైం ఎంత?' అని అడిగితే 'మీ బెవార్సు ఊరిలో టైం ఎంత?' అని సమాధానం ప్రశ్నించాడు " అంది..

"మీది బెవార్సు ఊరని వాడితో ఎవరు అన్నారో నీతో ఏమైన చెప్పాడా? " అనడిగాను టెన్షన్ గా..

"లేదు.."

"హమ్మయ్య.."

"నీకు తెలుసా ఎవరు అలా అన్నారో?" అనడిగింది..

"ఉండు..ఆలోచించి చెబుతా...ఐ మీన్ - తెలుసుకుని చెబుతా " అన్నాను...

"సరే...నువ్వు తెలుసుకునే లోపు మనము వెళ్ళి 'ఏబ్రాసి ఊరు ' కార్డు కొనాలి...రేపు తొమ్మిదింటికి 'Crossword' కు వచ్చెయ్యి.." అంది..

మరుసటి రోజు 'Crossword' లో కలిసాము ఇద్దరం..ఊళ్ళను తిట్టుకునే కార్డులు ఎక్కడ దొరుకుతాయో అడుగుదామని హెల్ప్ డెస్కు వాడి దగ్గరకు వెళ్ళాము నేను, మా పక్కూరమ్మాయి..అక్కడ హెల్ప్ డెస్కు వాడిని హెల్ప్ లెస్ గా చేస్తూ కనిపించాడు..........దినకర్ గాడు.

ఇంటర్నెట్ లో డౌన్లోడ్ చేసిన పన్నెండు కొత్త సినిమాలు ఒకే DVD లో కాపీ చేసి..అది Crossword వాళ్ళకు అమ్మటానికి ప్రయత్నిస్తున్నాడట గత గంట సేపు గా...నాటు సారా తాగిన వాడి లాగా హెల్ప్ డెస్కు వాడితో బేరసారాలు చెస్తున్నంత సేపు దినకర్ గాడు ఎవరో నాకు తెలియనట్టు కొట్టంతా తిరిగి... మా పక్కూరమ్మయికి కార్డు వెతికి కొన్నాము..

బిల్లు కట్టి బయటకు వచ్చాము...దినకర్ గాడు కూడా వచ్చాడు - సెక్యూరిటీ వాడితో నెట్టించుకుంటూ..

"హాయ్ రా దినకర్....ఎప్పుడు గెంటారు నిన్ను?" అనడిగాను..ఎప్పుడు గెంటారు, ఎలా గెంటారు, ఎందుకు గెంటారో వాడు చెబుతుంటే ఒక్క మాట కూడా వినకుండా నడుస్తున్నాము నేను, మా పక్కూరమ్మాయి...ఆకలి గా ఉంటే ఏమైనా తిందామని ఒక హోటలుకు వెళ్ళాము..

"ఏరా 23 వ తారీఖు బస్సు లో వెళ్దామా, కారులో వెళ్దామా?" అడిగాడు దినకర్..

"నువ్వు టికెట్టుకు డబ్బులు పెడితే బస్సులో వెళ్దాం...నువ్వు పెట్రోలు కొట్టిస్తే కారులో వెళ్దాం..ఇంతకీ ఎక్కడికీ?" అడిగాను..

"మన ఊరికి రా...ఎలక్షన్లు..మరచిపోయావా?" అన్నాడు..

మా పక్కూరమ్మాయి నవ్వుతూ "శెలవు రోజున సినిమాకు వెళ్ళకుండా ఓటు వెయ్యటానికి వెళ్తున్నావా? బయలుదేరాడండీ పెద్ద దేశభక్తుడు.." అంది దినకర్ గాడిని చూస్తూ..

ఆ మాటలు విన్న దినకర్ గాడి బ్లడ్ బాయిల్ అయ్యింది. బాయిల్ అవ్వగానే స్టవ్ సిం లో పెట్టి.....

(The following stunts are performed by a professional and should not be re-enacted at home)

...పక్కన్నే పిల్లవాడు ఆడుకుంటున్న రైలు బొమ్మ పైకి ఎక్కి "బలగాముడి కోసం ఆయుధం పట్టిన బ్రహ్మనాయుడి సాక్షిగా....కన్నమదాసు సాక్షిగా...నాగమ్మ సాక్షిగా...నేను దేశ భక్తుడిని అయితే...ఈ రైలు ముందుకు కాదు...వెనక్కు వెళ్తుంది...జై చెన్నకేశవా...జై చెన్నకేశవా...జై చెన్నకేశవా..." అని నానా హంగామా చేసాడు..

వీడి దెబ్బకు అప్పుడే మద్రాసు నుండి బెంగళూరు వచ్చిన రైలు స్టేషన్ లో ఆగకుండా తిరిగి మద్రాసు వెళ్ళిపొయ్యింది....వీడి దేశ భక్తి నిరూపించటానికి ఇండియన్ రైల్వేస్ కు డీజిల్ బొక్క...

వీడి చేష్టలకు నిశ్చేష్టురాలైన మా పక్కూరమ్మాయిని కదిపి..."చూసావా అమ్మాయ్..కడుపు చించుకుంటే కుట్లు పడతాయి..అనవసరంగా వాడి లోని దేశ భక్తుడిని బయటకు తీసి ఊరి మీదకు వదిలావు " అన్నాను..

దినకర్ గాడి మాటలు విని చుట్టు పక్కల వారంతా వచ్చి అభినందించారు..వాడు చివర్లో ' జై చెన్నకేశవ ' అని మూడు సార్లు అరిచేప్పటికి అది వీడు సపోర్టు చేసే అభ్యర్తి పేరనుకుని ' చెన్నకేశవ గారికే మీ ఓటు ' అని అరుస్తూ వెళ్ళారు..

వీడి దేశభక్తి ఇంకా తీరినట్టు లేదు...మా పక్కూరమ్మాయి వైపు చూసి "ఓటు వేయటం భారత పౌరులుగా మన భాధ్యత...." అని ఇంకా ఏదో అనబోతుండగా నేను వాడి చెవిలో " భా కాదు..బాధ్యత " అని గొణిగాను..అది విన్న వాడు మళ్ళీ మాట్లాడుతూ "సారీ...ఓటు వేయటం భారత పౌరులుగా మన భాకాదుబాధ్యత..నన్ను చూసి ఉత్తేజం పొంది ఈ దేశానికి మీ వంతు సేవ చెయ్యండి " అన్నాడు....దేశభక్తి నాస్తికురాలైన మా పక్కూరమ్మయికి ఈ మాటలేవి నచ్చక అక్కడి నుండి వెళ్ళిపోయ్యింది..

"సరే...ఈ శుక్రవారం శెలవు పెట్టు...మనము ఊరెళ్ళి ఫొటోలు తీయించుకుని voter ID కి అప్లై చేసి వద్దాము"...అన్నాడు.

శుక్రవారం పొద్దున్నే నేను, దినకర్ ఫొటో తీయించుకోవటానికి వెళ్ళాము..ముందుగా లోపలకు దినకర్ గాడు వెళ్ళాడు..

ఫొటోగ్రాఫర్ క్లిక్ చెయ్యబోతుండగా దినకర్ గాడు అతన్ని ఆపి.."ఒక్క నిముషం...నా ప్యాంటు ఒక వైపే ఇస్త్రీ చేసుకొచ్చాను...ఇంకో వైపు అంతా ముడతలున్నాయి..ఈ వైపు కూడ ముడతలు పెట్టుకుంటాను ఉండండి" అని..ప్యాంటు కుడి వైపు నలపటం మొదలెట్టాడు..దానికి ఆ ఫొటోగ్రాఫర్..."పర్లేదు సార్..ఆ ముడతలను పట్టించుకోకండి. ఫొటో లో మీ ప్యాంటు కనిపించదు " అన్నాడు..ఆ మాట వినగానే దినకర్ గాడికి మొహం లో ఏదో టెన్షన్ –

నా దగ్గరకు పరిగెట్టుకుంటూ వచ్చి..."అదేంట్రా...ఫొటో లో నా ప్యాంటు కనపడదు అంటున్నాడు. ఎలా రా బాబూ..అసలు లోపలేమీ వేసుకోలేదు. ఆ ఫొటోలు ఇంటర్నెట్ లో పెడతారేమో రా.." అన్నాడు..వాడు ఇంటర్నెట్ లో ఏమి చూస్తుంటాడో చెప్పకనే చెబుతూ...

"ఇక్కడ తీసేది ఫొటో రా..x-ray కాదు..." ప్యాంటు కనపడదు " అంటే వాడి ఉద్దేశం ఫొటో లో నీ నడుము పై భాగము మాత్రమే ఉంటుంది అని అర్థం...వెళ్ళి నిలబడు" అని పంపించాను..ఫొటో తీసేప్పుడు కళ్ళు ఆర్పుతాడేమో నని భయమేసి తల కిందకు దించుకు నిలబడ్డాడు దినకర్ గాడు...ఫొటో వాడి తలకాయ లాగ వచ్చింది!

స్టుడియో బయటకు వచ్చేముందు ఆ ఫొటోగ్రాఫర్ ఎవరికి ఓటు వెయ్యలనుకుంటూన్నాడో అడిగాడు దినకర్.."నేను మా సామాజిక వర్గానికి చెందిన వాడికే ఓటేస్తాను సార్" అన్నాడు..

మేము బయటకు రాగనే దినకర్ గాడు " చూసావు రా...మనము ఓటెయ్యటానికి తయారయ్యాము కానీ మన ఊళ్ళో 'సామాజిక వర్గం' అనే పార్టీ ఒకటి ఉందని మనకు తెలియదు...ఛి ఛి...రెండు నిముషాలు తల దించుకుని సిగ్గు పాటిద్దాము "....అన్నాడు..

"ఒరేయ్ సిగ్గు శిఖామణి..'సామాజిక వర్గం' అంటే 'కులం' అనిరా అర్థం. 'కులం' అన్నది ' నీ యబ్బ ' లాంటి మాట అయితే..'సామాజిక వర్గం' అన్నది ' నీ యబ్బ గారు ' లాంటిది...అర్థమయ్యిందా రా 'కులం'??" అన్నాను...

పక్క వీధిలో ఏదో రోడ్ షో జరుగుతోంది..అక్కడకు వెళ్ళాము. ఎవరో ఒకాయన జీపు మీద నిలబడి ప్రసంగిస్తున్నాడు.."ఎవరండీ ఆయన?" అడిగాను నా పక్కనున్న అతన్ని..

" అదేదో పార్టీ అధ్యక్షుడు నిమ్మల వెంకట్రావు " అన్నాడు..

"అయితే వాళ్ళ పార్టీ పేరు తెలియదా మీకు?" అడిగాను..

"చెప్పగా...'అదేదో పార్టీ'..అదే పార్టీ పేరు " అన్నాడు..

నిమ్మల వెంకట్రావు అరగంట సేపు స్పీచు దంచాడు...అలా దంచిన స్పీచు పొడిని ఒక డబ్బ లో పోసి భద్ర పరిచాడు.

ఇందాక పార్టీ పేరు చెప్పినాయన బీడి వెలిగించి ఒక దమ్ము లాగాడు. తన నోట్లో ఉన్న పొగకు గాలి ఆడదేమోనని భయపడినట్టున్నాడు...మొత్తం పొగంతా నా మొహం మీదకు ఊదాడు. మా వెనకాల గోడ మీద ' పొగ త్రాగరాదు ' అని రాసుంది..నా గురించే అనుకుని.. నా పక్కవాడు ఊదిన పొగ తాగకుండా నోరు మూసుకున్నాను. ఇందాకటి నుంచి నోరు మూసుకున్న దినకర్ గాడు గట్టిగా "కాబోయే ముఖ్యమంత్రి నిమ్మల వెంకట రావు...జిందాబాద్!" అని పూనకం వచ్చిన వాడిలాగ అరవటం మొదలెట్టాడు....పది సార్లు పెన్సిలు చెక్కిన బ్లేడు తో గుండు గీయించుకుని..ఆ గుండు మీద వేడి వేడి డెటాల్ పోయించుకున్న వాడు పెట్టిన గావు కేకల్లా ఉన్నాయి ఆ అరుపులు...

ఆ అరుపులు విన్న వెంకట రావు మైకి అందుకుని "మీ ఊళ్ళో మా పార్టీ తరపున నిలబడేది ఈ యువకుడే.." అని అనౌన్స్ చెసాడు..మా దినకర్ గాడు మా నియోజిక వర్గం లో పోటీ చేస్తున్నడన్న విషయం జీర్ణం చేసుకోవటానికి పది Digene మాత్రలు వేసుకోవలసి వచ్చింది...

మీటింగు తరువాత 'అదేదో పార్టీ' వాళ్ళ గెస్టు హౌస్ లో వెంకట్రావు గారు మాతో మాట్లాడారు..

"చూడు బాబూ..రేపు ఒక టీవీ చానెల్ లో ప్రధాన పార్టీ ల మహిళా నాయకులు, మహిళా అభ్యర్థులతో చర్చా కార్యక్రమం ఉంటుంది..మన పార్టీ తరపున కూడా కొంత మంది మహిళామూర్తులను పంపాలి. కానీ ఒక్క విషయం - ఆ పార్టీల నాయకురాళ్ళ నోళ్ళు అసలే మంచివి కావు..టీవీ అని కూడా చూడకుండా బండ బూతులు తిడతారు. కాబట్టి మనము పంపేవాళ్ళు కూడా చక్కటి బూతులు మాట్లాడేలా ఉండాలి " అన్నాడు..

ఆ మాటాలు విన్న దినకర్ గాడు కాలు మీద కాలేసుకుని "ఇంత చిన్న విషయానికి ఇన్ని వాక్యాలు చెప్పాలా సార్...నేను నాలుగేళ్ళు హాస్టల్ లో ఉన్నాను. బూతులు మాట్లడటం అనేది నాకు మంచి నీళ్ళు తాగటం లాంటిది. మా హాస్టల్ లో చేరిన మొదటి రోజే బూతులు మొదలెట్టాము..అక్కడ బూతులు మాట్లాడలేని వాడికి ఫ్యూచర్ ఉండదు....'న బూతో న భవిష్యత్ '....ఆయనెవరో అన్నట్టు మా హాస్టల్ లో 'survival of the filthiest'...." అని చార్లెస్ డార్విన్ చొక్కా చిరిగి పోయేట్టు తన సొంత థియొరీ ఆఫ్ ఎవొల్యూషన్ చెప్పాడు మా వాడు..

దినకర్ గాడిచ్చిన భరోసా తో ఉప్పొంగిపోయిన వెంకట్రావు "నీ మీద నాకా నమ్మకం ఉందయ్య..నీ లాంటి నాయకులుంటే మన రాష్ట్ర ప్రజల 'సంసారా' లు 'సుఖ 'ప్రదమౌతాయి....ఎనీ క్వెస్చన్స్?" అనడిగాడు..

పై వాక్యం లోని రెండు పదాలు విని దినకర్ గాడికి అదేదో పత్రిక లోని ప్రశ్నోత్తరాల శీర్షిక గుర్తొచ్చింది...'ఎనీ క్వెస్చన్స్ ' అన్న మాట వినగానే మా వాడు... "నా వయస్సు 28 సంవత్సరాలు...మా పక్కింటి........." అని ఇంకా ఏదో అనబోతుండగా నేను వాడి నోరు మూసి "మహిళా మూర్తులను తీసుకుని రేపు ఆ చర్చకు వెళ్తాడు సార్ మా వాడు " అని బయటకు లాక్కెళ్ళాను...

మరుసటి రోజు పొద్దున్నే ఆ చర్చ జరిగే చోటికి చేరుకున్నాను నేను..దినకర్ గాడు మహిళామూర్తులను తీసుకుని పదకొండింటికి వచ్చాడు..వాడితో పాటు ఒకమ్మాయి, ఇద్దరు కుర్రాళ్ళు ఉన్నారు.."మహిళా మూర్తులేరి?" అడిగాను..దానికి వాడు "ఇదిగో ఈవిడ మహిళ...వీళ్ళు మూర్తులు - పి.ఎస్.మూర్తి, ఆర్.కే.మూర్తి...లోపలకు వెళ్దామా?" అన్నాడు..వీడితో పాటు వచ్చిన అమ్మాయి బాగా సన్నగా ఉంది...లోపల వాళ్ళ బూతులు వింటే స్వైన్ ఫ్లూ వచ్చినా రావచ్చని...ఆ అమ్మాయిని తిరిగి పంపించేసాను..దినకర్ గాడికి రెండు vaccine లు వేసి ఆ చర్చ జరిగే గదిలోకి తోసాను..అక్కడ ఏమి జరిగిందో తెలుసుకునే ధైర్యం లేక బస్సెక్కి బెంగళూరు పారిపొయ్యి...ఎలెక్షన్ల రోజు వరకు దినకర్ గాడికి కనపడలేదు.

ఓట్లు వేసే రోజు వచ్చింది..నేను దినకర్ గాడికి ఓటేసాను - వాడు ఎవరికి వేసాడొ నాకు అనుమానంగా ఉంది. ఓటేసి బయటకు రాగానే జనాలంతా అక్కడున్న కెమేరాలను చూసి "సూపర్...బంపర్..100 డేస్" అని అరుస్తున్నారు..చాల మంది ఆ కెమేరాలకు తాము ఓటు వేసిన వేలికి ఉన్న ఇంకు మార్కు చూపిస్తున్నారు..ఓటు వేసాక ఇలా మచ్చలు చూపించాలేమొనని దినకర్ గాడు వేలికున్న ఇంకు మార్కు చూపించి...తరువాత చొక్క విప్పి వీపు మీద ఉన్న పుట్టు మచ్చలు చూపించాడు...

మే 16 న ఎలెక్షన్ ఫలితాలు తెలుస్తాయి..చూద్దాం ఎవరు గెలుస్తారో...

మా దినకర్ గాడు గెలిస్తే మా ఊరు పంట పండినట్టే. జంధ్యాల గారన్నట్టు - దురద పుట్టినప్పుడు గోక్కుంటే కలిగే తాత్కాలికమైన హాయి..మా ఊరి ప్రజలకు శాశ్వతంగా ఉంటుంది!

81 comments:

Wanderer said...

1. ఆ మాటలు విన్న దినకర్ గాడి బ్లడ్ బాయిల్ అయ్యింది. బాయిల్ అవ్వగానే స్టవ్ సిం లో పెట్టి....

2. వీడి దెబ్బకు అప్పుడే మద్రాసు నుండి బెంగళూరు వచ్చిన రైలు స్టేషన్ లో ఆగకుండా తిరిగి మద్రాసు వెళ్ళిపొయ్యింది....

3. ..."అదేంట్రా...ఫొటో లో నా ప్యంటు కనపడదు అంటున్నాడు. ఎలా రా బాబూ..అసలు లోపలేమీ వేసుకోలేదు. ఆ ఫొటోలు ఇంటర్నెట్ లో పెడతారేమో రా.." అన్నాడు..వాడు ఇంటర్నెట్ లో ఏమి చూస్తుంటాడో చెప్పకనే చెబుతూ

4. అర్థమయ్యిందా రా 'కులం'??" అన్నాను...

5. పది సార్లు పెన్సిలు చెక్కిన బ్లేడు తో గుండు గీయించుకుని..ఆ గుండు మీద వేడి వేడి డెటాల్ పోయించుకున్న వాడు పెట్టిన గావు కేకల్లా ఉన్నాయి ఆ అరుపులు...

6. 'survival of the filthiest'

7. పై వాక్యం లోని రెండు పదాలు విని దినకర్ గాడికి అదేదో పత్రిక లోని ప్రశ్నోత్తరాల శీర్షిక గుర్తొచ్చింది...'ఎనీ క్వెస్చన్స్ ' అన్న మాట వినగానే మా వాడు... "నా వయస్సు 28 సంవత్సరాలు...మా పక్కింటి........." అని ఇంకా ఏదో అనబోతుండగా నేను వాడి నోరు మూసి "మహిళా మూర్తులను తీసుకుని రేపు ఆ చర్చకు వెళ్తాడు సార్ మా వాడు " అని బయటకు లాక్కెళ్ళాను...

8. "మహిళా మూర్తులేరి?" అడిగాను..దానికి వాడు "ఇదిగో ఈవిడ మహిళ...వీళ్ళు మూర్తులు - పి.ఎస్.మూర్తి, ఆర్.కే.మూర్తి...లోపలకు వెళ్దామా?"


ఇలా మీరు రాసినవి మీకే తిరిగి రాయడం కంటే గొప్ప కాంప్లిమెంట్లు ఇవ్వడం నా వల్ల కాదు. వర్ధతాం, అభివర్ధతాం.

రాధిక said...

ఓహో ఎలక్షన్స్ స్పెషల్ పోస్టా?నాకు తమిళ్ వచ్చు తంబీ.దినకర్ కి పాపం ఒక్క వోటే వచ్చి వుంటుంది పాపం.

venu... said...

gautam gaaru.. ee post kosam last 2 months ga mee blog ni ganta ko saari open chestu kurchunna andi..

ippatikainaa karunchaaru.. thanq.. :)

Anonymous said...

మీరే రాసారా? ఎప్పుడూ లేని కొన్ని అచ్చు తప్పులు వున్నాయి.

"'సామాజిక వర్గం' అంటే 'కులం' అనిరా అర్థం. 'కులం' అన్నది ' నీ యబ్బ ' లాంటి మాట అయితే..'సామాజిక వర్గం' అన్నది ' నీ యబ్బ గారు ' లాంటిది..." - :)

కత్తి మహేష్ కుమార్ said...

You made my day. పొద్దున్నే చదివి పొట్టచెక్కలయ్యేలాగా నవ్వుకున్నా. ఇక ఈ రోజుకు ఢొకా లేదు. అభినందనలు. ధన్యవాదాలు.

Vasu said...

బావుంది తోట రాముడు గారు. పేరడీ సామెతలు బావున్నాయి. సామజిక వర్గం సెటైరు అదిరింది.
కాని ఈ టపా మిగతా టపాలంత నవ్వించలేదనిపించింది. పైగా ఈ టపా కొంచెం చిన్నదిగా ఉంది. ఈ పైన వచ్చె తపాలలో వెయిటింగ్ కి తగ్గ నవ్వు తెప్పిస్తారని ఆశిస్తున్నా.

వాసు

Varunudu said...

సూపర్ ... చించేసారు. చాలా బాగుంది.

Sravya said...

Superb !

MURALI said...

As usual good one.

చైతన్య.ఎస్ said...

:))

హరే కృష్ణ . said...
This comment has been removed by the author.
హరే కృష్ణ . said...

చాలా బావుంది...టైమింగ్ కేకలు ..తెలుగు బ్లాగ్గింగ్ లో మీరు మకుటం లేని మహారాజు

చైతన్య said...

ఆఫీసులో మీ పోస్ట్ చదవకూడదు అనుకుంటేనే... ప్రతిసారీ అలాగే అవుతుంది... ఈసారి ఆఫీసు అయినా సరే... పొట్ట చెక్కలయ్యేలా నవ్వుకున్నా :D
సూపర్ గా ఉంది :)

సామజిక వర్గం, కులం, ఫోటో లో ప్యాంటు, మహిళా మూర్తులు, పక్కూరమ్మాయి పేరు... ఇలా చెప్తూ పోతే మళ్లీ మీ పోస్ట్ మొత్తం ఇక్కడ రాయాల్సి వస్తుందేమో!

బుజ్జి said...

ఈ టపా మిగతా టపాలంత నవ్వించలేదనిపించింది. పైగా ఈ టపా కొంచెం చిన్నదిగా ఉంది. ఈ పైన వచ్చె తపాలలో వెయిటింగ్ కి తగ్గ నవ్వు తెప్పిస్తారని ఆశిస్తున్నా.. same feeling

చైతన్య said...

ఇంతకు ముందు non-telugites ని చూస్తే... పాపం వీళ్ళకి మామిడికాయ పప్పు, గోంగూర పచ్చడి, ఆవకాయ రుచి తెలియవు కదా అని జాలేసేది....
కాని ఇప్పుడు ... వాళ్ళు తోటరాముడి పోస్ట్స్ చదవలేరు కదా అని జాలేస్తుంది...

చావాకిరణ్ said...

అప్పుడే అయిపొయిందా
ఇంకో పది గ్లాసుల అమృతం కావాలి
ఆ ఆ ఆ ఆ ఆ

Karthika said...

Nice to see ur post after a loooonggg time :).

karthik said...

super!! you rock!

-Karthik

Sudheer said...

Killer Ending. Too much.

Sasank said...

chaala baagundhi .mat 16th eppudu vasthundhaa ani wait chesthaanu..dinakar gelichaado ..oodipoyado cheppandi..:)

Sravish N said...

I will never open your blog in office again. :)

Awesome post...

$h@nK@R ! said...

టపా అలేట్ గా వచ్చినా.. చాలా చాలా నవ్వుకున్నాను...


పది సార్లు పెన్సిలు చెక్కిన బ్లేడు తో గుండు గీయించుకుని..ఆ గుండు మీద వేడి వేడి డెటాల్ పోయించుకున్న వాడు పెట్టిన గావు కేకల్లా ఉన్నాయి ఆ అరుపులు...

NICE ONE !!!!

పుల్లాయన said...

న బూతో న భవిష్యతి మాత్రం అదిరింది. ఎందుకో కధ కట్ కట్ గా అని పించింది.

అశోక్ వర్మ said...

వెరీ ఇంటరెస్టింగ్. టాపిక్ సెలెక్ట్ చేసుకోవడంలో మీరు చూపే వైవిధ్యం బావుంది.
ఇవి చాలా నచ్చాయి:
- మా పక్క ఊరిలో మా ఆఫీసమ్మాయి ఉంది..ఇప్పుడా అమ్మాయి గురించి ఏమీ చెప్పను. మా ఆఫీసు లో మా పక్కూరమ్మాయి ఉంది
- "అమ్మాయ్ - స్మాల్ సహాయమా, మీడియం సహాయమా, లార్జ్ సహాయమా?"
"ఎక్స్ట్రా లార్జ్ సహాయం..
- దేశభక్తి నాస్తికురాలైన మా పక్కూరమ్మయికి
- రెండు నిముషాలు తల దించుకుని సిగ్గు పాటిద్దాము
- 'కులం' అన్నది ' నీ యబ్బ ' లాంటి మాట అయితే..'సామాజిక వర్గం' అన్నది ' నీ యబ్బ గారు ' లాంటిది
- 'survival of the filthiest'

మంగళగిరి నుండి గిరి said...

" ఒక వేళ ఇది చదువుతున్న వారిలో ఎవరికైనా తమిళం వస్తే - మనం మనం తరువాత మాట్లాడుకుందాం " అన్నారు .. ఎప్పుడు మాట్లాడుకుందాం.. అంటె ఒక టైం అనుకుంటె బావుంటుంది కదా? నాకెలాగు పెద్ద పనిలేదు, ఎ టైం అయిన పర్లేదు.

- మంగళగిరి నుండి గిరి.

Damo' said...

As usual, Very good and nice timing.
Avunu Gowtham, meeru cinemalaku matalu rayochu kadha..
Nenu latest gaa oka cinema choosanu..
Andhulo Heroine(Iliana in KICK) prathi mataku mundhu oka Neeyabba, tharuvatha Neeyabba cherusthontoo untundhi. Matala rachayitha kosam 2 saari choosinappudu thelisnidhi Abboori Ravi anta. Ela rastharo theliyadhu.. Mee lanti vallaki isthe anna konchem Healthy comedy untundhi kadha..

Koncehm thvaraga postlu raasi punyam kattukondi mastaaroo..
Zulu..

veena said...

blogs lo meeru time waste chesukuntunnaru. mee lanti vaallu movies lo writer ga undaali. mee peru screen meeda choodalani korukuntunnanu.

theja said...

rendu nelalu nundi post pettakunda unte pilla kayaki pelli ayyi pudsindi,khel khatam dukhaan bandh...ani anukunti..
ponle pelli gaanaduku rontha santosam, alochanlu nee chethilone untaayi..post lu vastaane untaayi..!! ;P

నిశాంత్ said...

awesome.....
lol
:-))

Ravi Kanth said...

Malli chinchesaru mastaru...

konta mandi koddiga criticize chestunte naku kopam vastondi...

Intaku mundu ilanti feeling rende sarlu vachhindi..

1) Chiranjeevi ni evaraina emaina ante..
2) Sachin tendulkar ni evaraina emaina ante..

REgards,
Ravi

Mahesh Khanna said...

బాబు గౌతమ్ .. ఎన్నాళ్ళకు నీ బ్లాగ్ దర్శన (పఠన) భాగ్యం దక్కింది ... చదవడం మొదలెట్టా .. మధ్యలోనే అపెస్తున్న ... నచ్చక కాదు ... ఇక్కడ నా బట్టల కొట్టులో కంప్యూటర్ స్క్రీన్ చూస్తో నవ్వాపుకోలేక రీసౌండ్ లో నవ్వుతుంటే కస్టమర్ దేవుళ్ళు నాకు పిచ్చి అని వెనక్కి వేల్లిపోతరేమో అని భయం తో అపెస్తున్న ... ఇంటికెళ్ళి చదువుతా !!!

GIREESH K. said...

తెలుగు బ్లాగుల్లో మీరే మకుటం లేని మహారాజు (తమిళంలో కాదు సుమా...తెలుగులోనే!)

Aditya said...

super, bumper, 100days pakka...

Rani said...

you are the best.
posts frequency penchavalasindiga manavi :)

శ్రీకాంత్ - మంగళగిరి said...

చాలా బాగుందండి! జంధ్యాల మార్కు హాస్యం - మీరు చలన చిత్రాలలో కూడ ప్రయత్నం చేయాల్సిందిగా మనవి చేసుకుంటున్నాను

Sandy said...

Baagundhi :-)

Arun Rahul said...

Hope that mee ooriki duradaaaaa teru kaaka

హాస్య పిపాసి said...

ఆహా.. ఓహొ.. అననీకే ఇండ్ల ఏముందో నాకు ఐతే సమజైతలే... ఇంతకు ముందు ఉన్న పోస్టుల లెక్క ఐతే ఇది లేదు. ఇది సత్యం.. సత్యం.. సత్యం.. సత్యం

Good Luck said...

Day by day "Rendu Rellu Aaru" is loosing it's old shine and glory. It's true. I came here with more expectations, but got dissappointed.

All the best for the next time.

పేరు చెప్తే గుర్తుపట్టేంత గొప్పవాడిని కాను said...

ayyo gautam garu.....mee tapa kosam choosi choosi kallu kayalu kasi, pandipoyi ralipoyayi andi....ippudela anukune lopu mee tapa aa badhani mottam teerchesindhi.... 16th na dinakar gelisthe mee oorlo pedda party chestara enti.....

!! aswin budaraju !! said...

అదిరింది ఎప్పటిలాగే,
హైలైట్ మాత్రం ట్రైన్ సీన్,
అన్నట్టు దినకర్ కి నేను కుడా వేసా ఓటు హ హ ,

అసలు ఎన్నికలనుకొని ఆని పార్టీలను ఉతికారేస్తారనుకున్నాన్ను .

మీ పక్కురంమాయికి లార్జ్ హేల్పే చేసారుగా దినకర్ ను పరిచయం చేసి ...

మకుటం లేని మహారాజు, కిరీటం లేని కింగ్ అంది మీరు, ఎన్జాయ్డ్

Sundeep Borra said...

munupennadu leni vidhamga konni "sabhya samajam harshinchani" konni padaalu padaparicharu. Idi marche prayatnam chestarani aasisitoo

లలిత ప్రియ దర్శిని said...

గౌతమ్ గారు, ఎప్పటిలానే చాల బాగా రాసారు. చాల కాలం తర్వాత చూస్తే, మీ కథ ప్రత్యక్షం ! స్పీచ్ దంచి , ఆ స్పీచ్ పొడిని డబ్బాలో వేసాడు ... ఈమె మహిళ, వాళ్ళు మూర్తులు మొ|| చాలా నవ్వు తెప్పించాయి.

సందీప్ గారు అన్నది కొంత నిజమే ! కొన్ని పదాలు కుంచెం శ్రుతి, లయ మించాయి. 'సంసారా' లు అని ఉన్న వాక్యం అంత బాగా లేదు.

అభినందనలే కాదు, సద్విమర్శలు సైతం స్వీకరిస్తారు అనుకుని, ఈ ఉచిత సలహా ఇస్తున్నాను.

Anonymous said...

very good

S said...

next post eppudu? WAITING

M.Srinivas Gupta said...

మొదటి నుండి చివరగా చెప్పిన సామెత వరకు టఫా అదిరింది

జంధ్యాల గారన్నట్టు - దురద పుట్టినప్పుడు గోక్కుంటే కలిగే తాత్కాలికమైన హాయి..మా ఊరి ప్రజలకు శాశ్వతంగా ఉంటుంది!

ఒక్కడు said...

రెండు రెళ్ళు ఆరు జంధ్యాల మార్కు హాస్యం నుండి ఇవివి మార్కు అపహాస్యం లోకి మారుతునట్టుగా ఉంది ఈ టపా. రెండు రెళ్ళు ఆరు ఎప్పటికీ జంధ్యాల మార్కు హాస్యం లాగా ఉండాలని కోరుకుంటూ....

ఒక్కడు

tetageeti said...

బాగుంది.

కాని కొన్ని చోట్ల కొంత అతి అయ్యింది అనిపించింది.

ఉదాహరణకు:
"ఇక్కడ తీసేది ఫొటో రా..x-ray కాదు..." ప్యాంటు కనపడదు",
"నేనొక vsecrtipjokim అని అనుకోకండి"

చాలా జోకులు బాగా పేలాయి అనుకోండి.

-మురళి

venkat said...

Thanks for the post after a long time. It is good, funny as usual and thanks very much.

However,

1. It is slowly getting into usage of words which are not part of your vocab.

2. Also felt length was short and ended too soon (Ofcourse how much you write we feel the same as we keep asking for more).

Well, as many suggested, time to take a shot @ Tollywood. Would sure be competition to Trivikram.

Adarsh said...

ఇంతకీ మీ (మన) దినకర్ ఎలక్షన్ గెలిచాడా?

Anonymous said...

namaste gowtham gaaru...

mee tapa kosam wait chesi chesi kallu kaayalu kaasi pallu kooda ayyayi :P ...

but finally here it is and it definitely is not upto ur level... :) n of course i'm ur fan

yeah...i think its time for u to take a shot at tollywood coz ur level of comedy has degraded a bit these days :P ...jus kidding

Maverick said...

Inthaki Dinakar gelichada ledhandi... Tension tho chachhipothnna

harish said...

My favourite one is...aakupacha kanneeru,kaaru yatraa.okkoti chaala saarlu chadivaanu

Panipuri123 said...

super :-)

Rama Prasad said...

మీరు వ్రాసే కధలు మరియు కధనాలు, మీరు వీటిని నడిపించే తీరు, మీ వ్యంగ్య రచనా శైలి ప్రముఖ నవలా రచయితలకు దీటుగా మీ కలం కరవాలము నుండి దూసుకోని వచ్చే పద తరంగాలు సూటైన బాల భానుడి కిరణముల వలె చురుక్కుమనిపిస్తాయి. తుషార వేళ తామరాకుల మీద నుండి వాలు జారే ప్రకాశవంతమైన మంచు బిందువుల్లా చల్లదనాన్ని కూడా కలిగిస్తుంటాయి. మీ రచనా ధోరణి, మీ మాండలీక ప్రయోగము ఇలాగే సరళముగా ఉంటూ పాఠకుల హృదయ రంగాల్లో కదనుత్రొక్కాలని ఆకాంక్షిస్తున్నాను

కథాసాగర్ said...

బాగుంది.. మీ.. టపా

karthik said...

hi sir...random ga mee blog tagilindi....ippude story complete chesaa....mee sense of humour ki jai HO!!!!!!!

Lavakumar said...

Gautham!

EE rendu moodu rojullo motham tapaalu chadivesaa. pani unnaa pakka petti dongaga chadivesaa. Nenu entha mood off lo untaano telesugaa. naaku chaalaa inspiration ichaayi. Naa Comedy nature ni mallee bayataku theppinchelaa unnaayi. Ramesh nee blog gurinchi cheppi manchi pani chesaadu.
Nannu gurthupattaavaa?
haha .. mana college vaallandarikee nee blog telesthe baaguntundi. Everyone will be proud and enjoy. ninnu personal gaa thelisina vaallu chaalaa adrushtavanthulu ... naa laagaa.
Mana Dinakar ni Celebrity chesesaavu gaa. Nee stories lo mana Dinakar ni voohinchukonte inkaa navvosthundi.
I wish you all the best. I want all of Telugu people to enjoy. Cinema Arangetram eppudu chesthaavu?

Satish Kumar said...

చాలా బాగుంది. కొన్ని కొన్ని వాక్యాలు ఐతే ఇంకానూ...

Naresh said...

Gautam Garu,

I may forget you in my life time but I cant forget Dinakarkxyz (kxyz Silent) in my life.

Regards
Naresh B

Anonymous said...

boss when is u r next post, am opening your blog daily hoping to find a new post.

Anonymous said...

VARE VAH....KYA TAPA HAI...

HemanthPradeep said...

"మహిళా మూర్తులేరి?" అడిగాను..దానికి వాడు "ఇదిగో ఈవిడ మహిళ...వీళ్ళు మూర్తులు - పి.ఎస్.మూర్తి, ఆర్.కే.మూర్తి...లోపలకు వెళ్దామా?

idi keka..
but konni padalu nachaledu me style lo levu

శ్రీకాంత said...

గౌతం గారు మీ టపా కోసం వేయి కళ్ళ తో ఎదురు చూస్తున్నాం....త్వరలోనే కరునిస్తారని ఆశిస్తున్నాం.

Anonymous said...

meeru mee online fans ni neglect cheste ela!!! roju ee blog post open chesi kotta posts leka inka bore kottestondi.

Poorna said...

Prince Mahesh babu laga, post ki post ki madya inta time teesukovadam emee bagoledu

రానారె said...

ఇండియా క్రికెట్ మ్యాచ్ గెలిచినప్పుడు, రోజంతా నూరు ఓవర్లూ టీవీలో చూసినా, మరునాడు పేపర్లలో ఏం రాశారో చదువుతూవుంటే కలిగే ఆనందమే వేరు. మీ టపా చదివాక, ఇక్కడి వ్యాఖ్యలు చూస్తూవుంటే అదే ఆనందం కలుగుతుంది గౌతంగారూ. సందేహంలేదు మీరు మకుటం లేని మహరాజే. చావాకిరణ్ గారి మాటే నాదీ. రవికాంత్ గారికి కోపం వచ్చినా సరే, పుల్లాయన చెప్పినట్టు కథ కొంచెం కట్ కట్ గానే అనిపించింది. ఐతే, ఆఫీసులో, టీ విరామంలో కూడా, మీ రాతలు చదవకూడదు.

Anonymous said...

wowwwww!!
those stories were something that helped me to know that...sometimes sarcasm definitely work out...i have never laughed so much while reading!! thanqq...and i must say...you are very good at using the languages both telugu and english...


keep writing...

Chaitanya said...

మాస్టారు గౌతం... మీ టపాలు చదివితిమి... office లొ మాములుగా యెవో sites open చేసి calm ga పని చెస్కుంటుంటా... మొన్నామధ్య మన దినకర్ గురించి చదువుతూ , గట్టిగా నవ్వి మా Manager కి దొరిపొయా :(
దొరికితే దొరికాను కాని.. PVR Motor Driving School car తీసుకురావటం అనేధి......రచ్చ అసలు

uma blog said...

ఎంత అలవోకగా రాస్తారు అండి మీరు.----- హాయిగా నవ్వుకునే లా ఉన్నాయి మీ పోస్ట్లు అన్నీ.

Sudhakar Bulli said...

too much comedy. too good. mee blog gurinchi vinnanu ippudu chustunnanu I mean chaduvutunnanu.

kappagantu said...

chala bavundi totaramudu garu.

Anonymous said...

http://mGinger.com/index.jsp?inviteId=1435613

vasantham said...

potta chekkalu ayindi,ivaliti laughing kota poorthi ayindi.. ration la kaalam.. mari mastaru..

Praveen Mandangi said...

స్వార్థం అనేది వ్యక్తి కేంద్రకంగా ఉంటుంది కానీ కుల కేంద్రకంగా ఎన్నడూ ఉండదు. కనుక కులానికి "సామాజిక వర్గం" అనే పేరు పెట్టడం ఒక జోక్. నిజ జీవితంలో ఎవరూ "సామాజిక వర్గం" అనే ముసుగు పేరు ఉపయోగించరు. అటువంటి ముసుగు పేర్లు ఉపయోగించేది రాజకీయ నాయకులు & ఈనాడు, సాక్షి లాంటి వాళ్ళ తోలు బొమ్మ పత్రికలూ.

Anonymous said...

బాబు ప్రవీణ్ , నీకు నిజంగా జోహార్లు రా బాబు. ఈ పోస్ట్ లో ఏముంది రా నువ్వు ఇక్కడ కామెంట్ పెట్టడానికి. ఇన్నాళ్ళు జనాలు నువ్వు అడ్డదిడ్డంగా కామెంట్ పెడతావు అంటే నేను నమ్మలేదు. అసలు సంబంధం లేకుండా కామెంట్ ఎలా పెట్టావు నాయిన. ఈ పోస్ట్ కి, నీ కామెంట్ కి ఉన్న సంబంధం ఏంటో చెప్పు. నువ్వు గ్రేట్ నిజంగా. అస్సలు ఊహించలేదు నీ కామెంట్ ఇక్కడ, ఇంకా ఆ ఆనందం నుండి తెరుకోలేకపోతున్నాను.

Praveen Mandangi said...

సామాజిక వర్గం అంటే నీ యబ్బ గారు అని అన్నారు కదా. ఒక మిథ్యకి గౌరవం కూడానా అని డౌటొచ్చింది.

Anonymous said...

ROFL..... for Praveen comments.

Praveen Mandangi said...

నువ్వు ఈ పోస్ట్‌లో ఒక్క ముక్క కూడా చదవకుండా నవ్వితే నాకు నష్టమా? కత్తి మహేశ్‌ని విమర్శించిన స్టైల్‌లో దున్నపోతు మీద వాన అనుకున్నా నాకు ఏమైనా నష్టమా?

Praveen Mandangi said...

ఇక్కడెందుకు కానీ నేను కమ్మవారి చరిత్ర వ్రాసే దగ్గర కామెంట్లు వ్రాయు: https://plus.google.com/111113261980146074416/posts/5SVmRhXPWzt

Grohmjez said...

Malli chinchesaru mastaru... konta mandi koddiga criticize chestunte naku kopam vastondi... Intaku mundu ilanti feeling rende sarlu vachhindi.. 1) Chiranjeevi ni evaraina emaina ante.. 2) Sachin tendulkar ni evaraina emaina ante.. REgards, Ravi